عربية بن حمادي : “هذا ردي عمن يعتبرونني قعرة و مستوايا هابط..”..ماكمش رجال…!!

Sharing is caring!

تعليقا عما حدث ليلة البارحة في برنامج “بوليميك” على قناة التاسعة وما حدث بينها وبين مريم الدباغ كتبت الكرونيكير عربية بن حمادي على صفحتها بالفيس بوك ردا عمان يتهمونها بأنها “قعرة” .

وقالت حمادي انها دافعت عن الرجل الذي اهانته الدباغ وارجعتها لحجمها الطبيعي .

وجاء في التدوينة:

إلى بعض “#الذّكور” إلّي شايفيني قعرة و مستويا هابط و ما كارنيش و يجرو يعلّقو من بلاصة لبلاصة و يهبّطو في تدوينات بها المعنى إنتم إلّي قالت عليكم بنت الدّباغ

ماكمش_رجال و عندها الحقّ و ما كذبتش في حقّكم

الدّم السّخون والغيرة على البلاد و على النخوة و عدم التّلحيس مش كل ذكر يكسابها 😉
إنتم صرفتو عليها فلوس و نفاق و أنا صرفت عليها “كعبة طماطم” ونص رطل “فضلة دجاج”
و كلمتين في العظم
وما دواء الفمّ ….كان السّواك الحارّ وللعلم ولا شخص من فريق البرنامج في بالو والكلّ تصدمو الساشي وكعبة الطماطم و الصحن محطوطين في ساكي و جبدتهملها وقت تجلطمت يزّيكم من نظريّة المؤامرة و المفافية الفارغة
إنتم صنعتوها و فرضتوها و أنا صححتلها وضعها
و يا مدام يالّي مش عاجبك المستوى و حاشمة منّو
ما حشمتيش من منطقها العادم و إستفزازها ما سمعتيهاش كيف قالت نهبطلكم تصويرتي بالمايو أو عريانة و تفرّجو فيّا هذاكا ما يحشمكش قدّام الأشقّاء العرب🤔 آما موقفي أنا منها يحشّم 😂
و لبعض الإعععع لاميين ما عادش تحكي على المستوى وإنت مخّك و منطقك و مصطلحاتك محصورين بين ساقيك
حجرة قالت للطّوبة نا يابسة قلتها الحجرة نا نسكت 😉
يا ذكر الرّجلة صعيبة
خلّيها لغيرك